Hona hemen Mikel Iruskietak 2019-2020 ikasturtean HEZikt graduondokoaren Ikerketa Digitala moduluko “Humanitate Digitalak” izeneko ikasgaiari buruz egindako sintesia.

Ikasgai honetan Humanitateak edo Humanitate Digitalak zer diren aztertu dugu. Hasteko, Humanitate Digitaletan dauden bi garai garrantzitsuenak nabarmendu ditugu:

• Laguntzaile funtzioa zuenekoa: teknologiak ikerketan astunak eta sortzaileak ez diren lan errepikakor eta astunak hobeto egitea helburu duten atazak automatizatzen dira.
• Balio erantsia bilatzen duenekoa: teknologiak ikerketa arruntari beste dimentsio bat gainjarriz, balioa ematen dio ikerketari eta bestela egin ezin diren atazak egitea da helburua testuinguru digitalean.

Gauzak horrela, lan akademiko digitalak zer diren aztertu dugu, baita eHumanitateetako proiektu digitalak nola egiten diren aztertu dugu eta proiektuak egiteko tresnak eta baliabideak non aurki daitezkeen.

Bukatzeko, ikasleak hasi dira ikerketa proiektua testuinguru digitalean nola egingo luketen diseinatzen eta idazketa kolaboratiboa erabiliz Humanitate Digitalen aldarrikapena (https://tcp.hypotheses.org/487) euskaratu dugu eta laister argitaratuko dugu.