Online irakaskuntzan komunikazio-estrategiak: idatzikoa eta ahozko trebetasunak

Hona hemen Unai Atutxak 2020-21 ikasturtean HEZikt graduondokoaren bosgarren moduluko Hizkuntzen i(ra)kaskuntza eta garapenerako teknologiak: “on-line irakaskuntzan komunikazio-estrategiak: idatzizko eta ahozko trebetasunak” izeneko ikasgaiari buruz egindako sintesia.

Bosgarren moduluko bigarren gai honetan hizkuntza on-line irakasteko baliagarriak izan daitezkeen komunikazio-estrategiak ikusi ditugu, ahozko trebetasunak teknologiarekin lantzeko. Alde batetik, ahozko trebetasunak lantzeko, irakurketa ozen esanguratsuko estrategiak on-line testuinguruan duen garrantziaz hausnartu dugu, eta ikastunitaterako beste ariketa txiki bat prestatu duzue azken produktuari begira; ahozkoari dagokiona. Hizkuntza-forma bat irakasteko, komunikazio-estrategien erabilera landu dugu, irakurketa hobetzeko markaketa-sistema bat proposatuz eta probaren bat eginez. Ereduak ikusi ditugu; baita elkarren grabaketak entzun eta baloratu ere. Hainbat lan bildu ahal izan ditugu, eta lan ederrak izan dira! Ez soilik azken emaitza polita lortu duzuelako; izan ere, zuon grabaketa eta hausnarketek bikain asko erakusten dute zein izan den ikasketa-prozesuaren bilakaera.

Bestalde, ahozko trebetasunak lantzeko eta datuetan oinarrituriko irakaskuntzan trebatzeko, ikasle errealen datuetan oinarrituz balizko atzeraelikadura edo feedbacka eman duzue. Ezagun da zuotako asko irakasleak zaretela. Garrantzi handia eman diozue ikaslearen motibazioari, eta ederto uztartu duzue atzeraelikadura zehatz batekin. Askotan, zaila izaten da bi irizpide horiek ondo uztartu ahal izatea, baina pozgarria izan da horretarako izan duzuen abilezia ikustea.

Horrez gain, hezkuntza- eta hizkuntza-teknologia baliatzen duen ReadLang programa erabili duzue hizkuntzak eta beste edozein gai irakasteko. Programa horretan egindako adibide hau eta zuok egindako probatxoak jarraituta, hezkuntza maila eta testuinguru ezberdinetan erabilera interesgarriak proposatu dituzue. Gainera, tresnak eskaintzen dituen aukerak zeintzuk diren ikusi dugu, bere funtzionatzeko modua aztertuz aritu baitzarete. Horrek Readlang tresnaren abantaila eta ahulguneak zeintzuk diren eztabaidatzeko abagunea eman digu. Azkenik, hautazko ariketetan, Markin eta Gather-ekin aritzeko aukera izan dugu. Zuotako batzuk ibili zarete bi erreminta horiekin, eta gainerakoak ere asti apur bat dutenean begiratzera animatzen ditut. Markinekin aritu zaretenok, azpimarratu duzue testuak ebaluatzeko tresna baliagarria iruditu zaizuela, hainbat aukera eskaintzen dituelako; besteak beste: norberak nahi dituen etiketak sortu, ikasleari iruzkinak jarri, ikasleen estatistikak atera… Gather-ek, ostera, ingurune birtualean aritzeko aukera eman digu, ikasle eta gure beharrizanetara egokitzeko hainbat baliabide eskainiz. Gure kasuan, erregistro formala eta informala lantzeko mundu birtuala sortu dugu, baina, zuek ondo azpimarratu bezala, egun bizi dugun egoeran erabilera zabala izan dezake gure erara antola dezakegun mundu birtualak.

Erantzun bat “Online irakaskuntzan komunikazio-estrategiak: idatzikoa eta ahozko trebetasunak” sarreran

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.